No marco da convocatoria 2013 do “Programa de Axudas Municipais para o fomento de emprego” aprobadas pola Xunta de Goberno Local do Concello de Vigo na súa sesión de 22 de marzo de 2013, Emaús anuncia a apertura do proceso de selección de 6 postos de traballo do proxecto Vigo, SinDesperdicio.

A formalización destes contratos está suxeita á concesión de subvención por parte da Concellería de Emprego, Participación Cidadá e Voluntariado do Concello de Vigo para o desenvolvemento do Proxecto Vigo, SinDesperdicio.

Ademais de reunir o perfil e requisitos que se relacionan no arquivo adxunto, as persoas candidatas deberán atoparse en situación de desemprego e estar empadroadas no municipio de Vigo.

As persoas interesadas deberán enviar o CV ao enderezo de correo electrónico galicia@emaus.com indicando no asunto Plan de Emprego 2013 antes do 7 de maio. É imprescindible achegar copia dixitalizada da tarxeta de demandante de emprego e do volante de empadroamento.